FAQs
Is-servizz tar-Rabta bejn il-Familja, il-Komunità u l-Iskola jipprovdi appoġġ u riżorsi lill-ġenituri sabiex jgħinhom jinvolvu ruħhom fl-edukazzjoni tat-tfal tagħhom u jinnavigaw fis-sistemi relatati mal-iskola. Is-servizzi jistgħu jinkludu:
1. Appoġġ fil-Komunikazzjoni: Għajnuna għall-ġenituri biex jikkomunikaw mal-iskejjel, l-għalliema u persunal edukattiv ieħor.
2. Aċċess għar-Riżorsi: Provvista ta’ informazzjoni dwar ir-riżorsi disponibbli, bħal materjal edukattiv, workshops u programmi ta’ appoġġ maħsub għall-familji.
3. Gwida fuq il-Proċessi Skolastiċi: Għajnuna għall-ġenituri fil-fehim ta’ politiki, programmi u sistemi skolastiċi (eż., reġistrazzjoni tal-iskola, formoli ta’ kunsens, jew aċċess għal portali online bħall-applikazzjoni MySchool).
4. Appoġġ fil-Litteriżmu Diġitali: Għajnuna fl-użu tat-teknoloġija, bħall-ħolqien ta’ kontijiet tal-e-ID, in-navigazzjoni fuq pjattaformi online, u l-użu ta’ għodod diġitali relatati mal-iskola.
5. L-Involviment tal-Familja: Inkoraġġiment lill-ġenituri biex jinvolvu ruħhom fl-attivitajiet u fl-avvenimenti tal-iskola, u fil-proċessi ta’ teħid ta’ deċiżjonijiet.
6. Riferimenti: Nidderieġu lill-familji għal servizzi esterni ta’ appoġġ rilevanti, bħal organizzazzjonijiet komunitarji, riżorsi tas-saħħa mentali, programmi ta’ għajnuna finanzjarja, korsijiet u programmi edukattivi, eċċ.
Dan is-servizz huwa programm pilota li attwalment qiegħed jintuża f’għaxar skejjel:
- L-Iskola Primarja ta’ Raħal Ġdid
- L-Iskola Primarja tal-Belt Valletta
- L-Iskola Primarja tal-Furjana
- L-Iskola Primarja tal-Imsida
- L-Iskola Primarja ta’ Birkirkara
- L-Iskola Primarja ta’ San Ġwann
- L-Iskola Sekondarja ta’ Pembroke
- L-Iskola Primarja tax-Xgħajra
- L-Iskola Primarja ta’ Bormla
- L-Iskola Primarja ta’ Birżebbuġa
- L-Iskola Primarja tar-Rabat
- L-Iskola Primarja ta’ Attard
- L-Iskola Primarja tal-Hamrun GP
- L-Iskola Primarja tal-Hamrun SS
- L-Iskola Sekondarja tal-Hamrun Liceo
- L-Iskola Medja Naxxar
- L-Iskola Primarja tal-Qawra
- L-Iskola Primarja San George Qormi
- L-Iskola Primarja San Bastjan Qormi
- L-Iskola Primarja St Anne Marsaskala
- L-Iskola Primarja Żejtun A
- L-Iskola Primarja Żejtun B
- L-Skola Medja u sekondarja Żejtun
- L-Iskola Primarja Victoria Rabat
- L-Iskola Primarja Żebbug
- L-Iskola Primarja Sannat
- L-Iskola Primarja tan-Nadur
L-ELET jirreferi għal individwi ta’ bejn it-18 u l-24 sena li jkunu kisbu biss l-ewwel livell tal-edukazzjoni sekondarja u li mhumiex involuti f’edukazzjoni jew taħriġ ulterjuri. It-tnaqqis tal-ELET huwa prijorità nazzjonali għax it-tluq bikri mill-iskola jista’ jillimita l-opportunitajiet fil-karrieri, iżid ir-riskju tal-qgħad, u jikkontribwixxi għall-inugwaljanza soċjali. F’dan ir-rigward, l-Istrateġija tal-ELET f’Malta tiffoka fuq tliet oqsma ewlenin:
✔️ Prevenzjoni – Niżguraw li l-istudenti jibqgħu involuti fl-edukazzjoni.
✔️ Intervent – Provvista ta’ appoġġ f’waqtu lill student f’riskju.
✔️ Kumpens – L-offerta ta’ perkorsi alternattivi ta’ tagħlim għal dawk li jkunu telqu mill-iskola.
L-Unità tat-Tluq Bikri mill-Edukazzjoni u t-Taħriġ timplimenta inizjattivi ewlenin, inklużi:
✔️ Sistema ta’ Twissija Bikrija – L-identifikazzjoni bikrija ta’ studenti f’riskju
✔️ Approċċ li Jinvolvi l-Iskola Kollha: L-involviment tal-partijiet ikkonċernati kollha tal-iskola għall-prevenzjoni tat-tluq mill-iskola.
✔️ L-Involviment tal-Ġenituri – It-tisħiħ tar-rabtiet bejn il-familja u l-iskola biex jiġu appoġġjati l-istudenti. L-involviment tal-ġenituri huwa kruċjali. L-inkoraġġiment tal-attendenza regolari, il-provvista ta’ appoġġ emozzjonali, u l-ħidma mal-edukaturi jistgħu jgħinu b’mod sinifikanti biex l-istudenti jibqgħu jattendu l-iskola.
✔️ Programm ta’ Rabta bejn il-Familja, il-Komunità u l-Iskola – Naħdmu mill-qrib ma’ skejjel, edukaturi u familji biex nipprovdu intervent bikri, gwida u appoġġ lill-istudenti.
Iva! Id-DPSF jagħmel sessjonijiet ta’ żvilupp professjonali għall-edukaturi. Dawn is-sessjonijiet jipprovdu l-għodda meħtieġa biex jiġu identifikati u jassistu lill-istudenti f’riskju ta’ tluq bikri mill-iskola. It-taħriġ li nipprovdu jinkludi suġġetti ewlenin, inklużi:
✔️ Identifikazzjoni tal-fatturi ta’ riskju tat-Tluq Bikri mill-Edukazzjoni u t-Taħriġ (ELET)
✔️ L-implimentazzjoni ta’ strateġiji effettivi ta’ intervent bikri
✔️ Ħolqien ta’ ambjent inklużiv u interattiv ta’ tagħlim
✔️ Tisħiħ tas-sħubijiet bejn l-iskola, il-familja u l-komunità
Barra minn hekk, permezz tal-Programm tal-FSCL, id-DPSF jorganizza attivitajiet tal-outreach fl-iskejjel maħsuba biex jappoġġjaw lill-familji f’sessjonijiet informattivi u interattivi. Minħabba li l-programm qiegħed fil-fażi pilota, dawn l-attivitajiet huma limitati għall-iskejjel li qed jipparteċipaw.
Għal aktar informazzjoni jew biex tirriserva appuntament, żur il-paġna ta’ Kuntatt tagħna.